Фудбалерите на Манчестер Јунајтед вечерва претрпеа пораз на домашен терен од Вулверхемптон (0:1) во натпреварот од 21. коло на англиската Премиер лига.
Јунајтед денеска имаше многу проблеми, особено во бековската линија бидејќи ги немаше ниту Хари Мегваер, ниту Виктор Линделоф, па по повеќе од две години го играше Фил Џонс.
Волците и покрај голот имаа бројни шанси, но не знаеја како да ги искористат. Што се однесува до Јунајтед, исклучително слаб настап, а Кристијано Роналдо, кој ја носеше капитенската лента за прв пат по 14 години, се удави во сивило.
„Волците“ се искачија од деветтото на осмото место и сега имаат 28 бодови, додека Манчестер Јунајтед е едно место понапред со 31 бод. „Црвените ѓаволи“ веќе забележаа шест порази по 19 одиграни натпревари.